ග්‍රාමීය අඩු ආදායම්ලාභී ජනතාවගේ ජීවනෝපාය සංවර්ධනය කිරීම උදෙසා පසුගාමී ආර්ථික කටයුතු අමාත්‍යංශය මගින් කළුතර දිස්ත්‍රික් කෘෂිකර්ම අධ්‍යක්ෂ කාර්යාලය වෙත ලබාදුන් මුදල් ප්‍රතිපාදන සහ ප්‍ර‍ථිලාභීනගේ මූල්‍ය දායකත්වය මත මිල්ලනිය ප්‍රාදේශීය ලේකම් කොට්ඨාශයේ එළු පාලනය දිරිමත් කිරීමේ අරමුණින් පළමු අධියර යටතේ මිල්ලගස්පොල වසමේ ජේ.සංජීව මහතා සහ වැලිකල වසමේ නයනි දුශාන්ති මහත්මිය වෙත 2022.11.16 දින එළුවන් ලබා දීමේ වැඩසටහන මිල්ලනිය සහකාර ප්‍රාදේශීය ලේකම්තුමිය,මිල්ලනිය පශු වෛද්‍ය කාර්යාලයේ පශු වෛද්‍යතුමිය ,සත්ව සංවර්ධන නිලධාරීතුමා සහ මිල්ලනිය ප්‍රාදේශීය ලේකම් කාර්යාලයේ කෘෂි කර්ම නිලධාරීන්ගේ ප්‍රධානත්වයෙන් සිදුවිය.
මෙම කාර්ය සිදු කිරීමේදී මිල්ලනිය පශු වෛද්‍ය කාර්යාලය මගින් ප්‍රථිලාභීන් සහ නිරෝගී සතුන් තොරා ගැනීම සඳහා මනා සහයෝගයක් ලබා දෙන ලදී.
ග්‍රාමීය ජනතාවගේ ආර්ථික තත්වය ඉහල නැංවීම මගින් ඔවුන්ගේ දරිද්‍රතාවය තුරන් කිරීම රජයේ අරමුණ වන අතර එම අරමුණ මුදුන්පත් කර ගැනීම උදෙසා සිදු කරනු ලබන මෙවැනි කර්තව්‍යන් මගින් ග්‍රාමීය ජනතාවගේ දරිද්‍රතාවය අවම කර ගැනීමට ශක්තියක් වේවායි මිල්ලනිය ප්‍රාදේශීය ලේකම් කාර්යාලයේ පැතුමයි.........
