ප්රාදේශීය ලේකම් කාර්යාල තුළ මහජනතාව හා සමීපව සේවය කරන ග්රාම නිලධාරීන්ගේ, ආර්ථික සංවර්ධන නිලධාරීන්ගේ හා ක්ෂේත්ර නිලධාරීන්ගේ කථික, නිවේදක, ඉදිරිපත් වීමේ හා ඉදිරිපත් කිරීමේ හැකියාව ආදී මෘදු කුසලතා වර්ධනය කිරීම අරමුණු කර ගනිමින්, මිල්ලනිය ප්රාදේශීය ලේකම් කාර්යාලය සංවිධානය කරනු ලබන "අපි අපිම වෙමු" වැඩසටහන් මාලාවේ හත්වන දිගහැරුම 2024.01.03 වන දින මිල්ලනිය ප්රාදේශීය ලේකම් කාර්යාලයීය ශ්රවණාගාරයේ දී සහකාර ප්රාදේශීය ලේකම් එරංගි ප්රනාන්දු මහත්මියගේ ප්රධානත්වයෙන් සාර්ථකව පවත්වන ලදී.
බටගොඩ ආර්ථික සංවර්ධන නිලධාරී කේ. මොනිකා මහත්මිය විසින් මෙහෙයවනු ලැබූ මෙම වැඩසටහනෙහි දී විදේශ සේවා සංවර්ධන නිලධාරී ටී. චම්පිකා මිය විසින් තම විෂය පථය පිළිබඳවත්, දෙල්ගොඩ ආර්ථික සංවර්ධන නිලධාරී කුමුදුනී දීපිකා මහත්මිය විසින් දෙල්ගොඩ ග්රාම නිලධාරී වසම පිළිබඳවත් දේශනයන් ඉදිරිපත් කරනු ලැබීය. ගල්පාත බටහිර ආර්ථික සංවර්ධන නිලධාරී දුලංජලී ගුණරත්න මෙනෙවියගේ හා කුඩා ව්යාපාර සංවර්ධන නිලධාරී වෙරංගා කුමුදුනී මහත්මියගේ ගීත ගායනයන්ගෙන් වැඩසටහන රසවත් විය.
