වර්ණවත් ලෝකය මැද ඇතමෙකු අඳුර පතද්දී, ලොවම අඳුරු ඔවුහු වර්ණවත් ලෝකයක් මවති. දෑස් පෙනෙනා ඇතමෙකු අකුරු මග හැර යද්දී, දෑස් නොපෙනෙන ඔවුහු ඇඟිලිතුඩගින් අකුරු සොයති.
තිත් රටා ඉරි අතර ඇඟිලිතුඩු ඇස් අරින, දෑස් නොපෙනන පුංචි දරුපැටවුන්ගේ අධ්යාපන කටයුතු ඔප් නැංවීමට පිටුවහලක් වීම වෙනුවෙන්, මිල්ලනිය ප්රාදේශීය ලේකම් කාර්යාලය සංවිධානය කරන "දෙනෙතට සවියක්" ව්යාපෘතියේ සමාරම්භය, 2024.01.10 වන දින මිල්ලනිය ප්රාදේශීය ලේකම් කාර්යාල ශ්රවණාගාරයේ දී සාර්ථකව දියත් කරනු ලැබුවේ සහකාර ප්රාදේශීය ලේකම් එරංගි ප්රනාන්දු මහත්මියගේ ප්රධානත්වයෙනි.
ප්රාදේශීය ලේකම් (වැ.බ.) සාරංගි ධීරරත්න මහත්මිය ඇතුළු සහකාර ප්රාදේශීය ලේකම් එරංගි ප්රනාන්දු මහත්මියගේ සහ ගණකාධිකාරි කසුරි ගයන්තිකා මහත්මියගේ උපදෙස් මත, පරිසර සංවර්ධන නිලධාරී චරුන් ජයශංක මහතා විසින් සංවිධානය කරනු ලබන මෙම ව්යාපෘතියේ දී, දෑස් නොපෙනෙන දරුවන්ගේ අධ්යාපන කටයුතුවල දී බ්රෙල් ක්රමය සඳහා අවැසි පොත් අවශ්යතා වෙනුවෙන්, ප්රදේශයේ නිවාසවලින් භාවිතයෙන් ඉවත් කරනු ලබන CR පොත් එකතු කර පරිත්යාග කිරීමට නියමිතය. එහි සමාරම්භය ලෙස මිල්ලනිය ප්රාදේශීය ලේකම් කාර්යාලයේ නිලධාරීන් විසින් එකතු කරන ලද CR පොත් මේ වැඩසටහන වෙනුවෙන් සහකාර ප්රාදේශීය ලේකම්තුමිය වෙත භාර දීම මෙම වැඩසටහනේ දී සිදු විය. මෙම ව්යාපෘතිය සඳහා ප්රදේශයේ පාසල් සම්බන්ධ කර ගැනීම ආර්ථික සංවර්ධන නිලධාරීන් මහත්ම මහත්මීන් හරහා ඉදිරියේ දී සිදු වනු ඇත.
දෑස් නොපෙනෙන පුංචි දරුපැටවුන්ගේ දෙනෙතට සවියක් වන්නට පරිත්යාගශීලී ඔබත් කැමති නම් ඔබ නිවසේ භාවිතයෙන් පසු ඉවත් කරනු ලබන CR පොත් මිල්ලනිය ප්රාදේශීය ලේකම් කාර්යාලයේ අප වෙත ගෙනවිත් භාර දෙන මෙන් කාරුණිකව ආරාධනා කරන්නෙමු!
