සංවේදී යහපත් ආකල්පයන්ගෙන් හා පෞරුෂත්වයෙන් පිරිපුන් අනාගත දරු පරපුරක් වෙනුවෙන් ගර්භණී මවුවරුන් උදෙසා උපදේශනාත්මක රසවින්දන වැඩසටහනක් මිල්ලනිය ප්රාදේශීය ලේකම් කාර්යාලයීය නව ශ්රවණාගාරයේදී 2022.11.04 දින පවත්වන ලදී.
මිල්ලනිය හල්තොට සෞඛ්ය වෛද්ය නිලධාරි කාර්යාලයට අයත් හල්තොට කලාපයේ ගර්භණී මවුවරුන් 160ක් පමණ සහභාගි වූ අතර උපදේශන නිලධාරී අනුරාධා ලියනාරච්චි මහත්මිය හා ආපදා සහන සේවා නිලධාරි වාසනා අතුකෝරල මහත්මිය විසින් එක්ව සංවිධානය කරන ලදී.
මෙහිදී රූපවාහිනී ගුවන් විදුලි සංස්ථා සංගීත අධ්යක්ෂ ජගත් වටවල මහතා හා සංගීත ගුරු උපදේශිකා ස්වර්ණා වටවල මහත්මිය වැඩසටහන සඳහා සම්පත් දායකත්වය ලබා දෙන ලදී.
මේ සඳහා අනුග්රහය දැක්වූ කළුතර අධිකරණ කලාපයේ නීතිඥ ජීවනී වීරසේන මහත්මියට, මවුවරුන් සහභාගි කරවා ගැනීමට සහයෝගය දැක්වූ හල්තොට වෛද්ය නිලධාරීතුමිය ඇතුළු පවුල් සෞඛ්ය සේවා නිලධාරීතුමියන්ට CBL ආයතනයට, මවුවරුන් සඳහා උදෑසන ආහාරය ලබාදුන් හොරණ ව්යාපාරික ජීවන්ත ප්රියදර්ශන මහතාට, දිවා ආහාරය පිළියෙල කරදුන් අප කාර්යාලායේ ආයතන අංශය ප්රධාන සියළුම කාර්යාල මණ්ඩලයට, පානීය ජලය සපයා දුන් ඇල්කා වොට(ර්) පෞද්ගලික සමාගම ඇතුළු මෙම වැඩසටහන සාර්ථක කර ගැනීම වෙනුවෙන් සහයෝගය ලබා දුන් සියළුම දෙනා හට ගෞරවණීය ස්තූතිය පුදකර සිටිමු.
